“Парламентераизм: маселелер жана аны чечүүнүн жолдору” деген сынакка катышып жеңип алган 20 студент 8-14-февралга чейин Орусиянын Санкт-Петербург шаарында болушат. Жогорку Кеңештин басма сөз кызматы маалымдагандай, шериктеш өлкөлөрдүн Парламенттер аралык ассоциациясы уюштурган бул сынакка Кыргызстандын 12 окуу жайынан студенттер катышкан. Сынак жаштарды активдештирип, алардын лидердик сапатын өстүрүү жана парламентте жаштардын чөйрөсүн кеңейтүү, демокротияны өнүктүрүүдө тажрыйба алмаша билүү максатын көздөйт. (КЕ)
