Жогорку Кеңештин бюджет жана финансы комитетинин төрагасы Аскарбек Шадиев президент К.Бакиевдин Москвага сапарынын натыйжасын ири ийгилик катары баалады. Анын айтымында, сапарда Кыргызстандын 193 миллион доллар тышкы карызы жоюлду. 150 миллион доллар грант жана 300 миллион доллар жеңилдетилген насыя келмек болду. Эң негизгиси 1 миллиард 700 миллион доллар инвестиция келип, кризисттик шартта өлкө ири колдоого ээ болду. “Бул ийгиликтерге жетишүүдө президенттин өндүрүшчү-практик болгону чоң роль ойноду”,- деп белгиледи Шадиев.(AiT)
