Социал-демократиялык фракциянын мүчөсү Мурат Жураев орус өкмөтү менен жетишилген келишимди кубаттады. Бирок ошол эле мезгилде сууга көзөмөл тууралуу мыйзамга президент тарабынан вето коюлганын эске салып, ага кайра келүү зарылдыгын белгиледи. “Нарын суусун башкаруу кыргыз өкмөтүнүн колунда болуш керек”,-деп белгиледи Мурат Жураев. Социал-демократиялык фракциянын лидери Бакыт Бешимов бул келишимдер келечекте Кыргызстандын эгемендүүлүгүнө терс таасирин тийгизбеш керектигин, ал эми Россия өз кызыкчылыктарын бекем коргоп алаарын белгиледи.(AiT)
