Партиянын кеңсесинин маалыматына караганда ишти Биринчи май райондук соту 11-февралда караганы жатат. Башкы прокуратура президент Курманбек Бакиевди мазактады деп партия лидери Эркин Бөлөкбаевди сотко берген. Буга күч кызматкерлери 2008-жылы 13-декабрда партия кеңсесин тинтүү учурунда тапкан карикатуралар негиз берген. Соттук териштирүүлөр 10-январда башталып, андан бери ар кандай себептер менен эки ирет кийинкиге жылдырылды. Оппозициялык күчтөр бул кылмыш ишин саясий куугунтук деп жатышат. (BuS)
