Өлкөнүн Саламаттыкты сактоо министрлиги маалымдагандай, согушкерлердин Кабулдагы мамлекеттик мекемелерге жасаган кол салууларынан кеминде 26 киши набыт болду. Алардын катарына террористтер кошулганы-кошулбаганы белгисиз. Дагы 55тей адам жараат алды. Согушкерлер юстиция министрлигине да кол салышкан. Коопсуздук аскерлери менен аткылашуудан бери дегенде 2 согушкер окко учту. Дагы экөө өзүн жардырып жиберишкен.
