Бул туурасында «Азаттыкка» Өзгөн райондук мамлекеттик акимчилигинен кабарлашты. Ошентип, мындан ары куршабдыктар ички автоунаа каттамдарына менчигинин түрүнө карабастан 5 сомдон төлөшөт. Учурда райондун башка аймактарына да арзандатылган тарифтерди кийирүү аракеттери жасалууда. Бул иш-чара февралдын орто ченинде жүзөгө ашырылуусу күтүлүүдө. Анткени менен айрым айдоочулар минтип мажбурлоо натыйжа бербестигин, тескерисинче, эл ташып оокат кылгандардын көбү эми жумушсуз калып, аймакта социалдык акыбал кыйла оорлошоорун эскертишүүдө. (ATo)
