“Кыргызстанда бизнес үчүн шарт түзүүгө бийликтин эрки жетеби?” аттуу иш-чара февралдын этегине белгиленүүдө. Аны “Эркин муун” жаштар альянсы уюштуруп жатат. Талкууга жаңы салык кодексин иштеп чыкандардын бири Ч.Имашов, Нефтетрейдерлер ассоциациясынын жетекчиси Б.Мамбетов жана белгилүү ишкер Э.Үметалиев чакырылмакчы. Мындан тышкары ага эл аралык уюмдардан атайы экперттер, саясий партиялардан жаштар канатынын өкүлдөрү жана студенттер катышат. Бул тууралуу аталган альянстын мүчөсү Урмат Казакпаев “Азаттыкка” билдирди. (EK)
