Жол боюна коюлган бомбадан Ирактын борбору Багдаддагы диний майрамдан кайтып келаткан 8 шийи зыяратчы мерт кетти. Эки чакан автобуста бараткан 20дан ашуун адам жаракат алды. Зыярат маалында коопсуздукту камсыздоо үчүн 30 миңдей полициячы жана аскер тартылган. Өткөн жумада зыяратчылар Кербалага бараткан кезде да ар кандай кол салуулардан 60тай киши каза тапкан.
