“Ак жол” фракциясы базага байланыштуу маселени кароо күнүн аныктай элек

Бул тууралуу фракциянын лидерлеринин бири Табылды Орозалиев бүгүн “Азаттыкка” билдирди. Анын айтымында, комитеттерде маселе каралып бүткөндөн кийин “Ак жол” фракциясы маселени кароого чогулат.
Жогорку Кеңеште “Ак жол” фракциясы абсолюттук көпчүлүк добушка ээ. Манаска аскерий базаны жайгаштыруу боюнча АКШ менен түзүлгөн келишимди жокко чыгарууну парламенттин комитеттери кароодо. Кыргыз өкмөтү АКШ менен кошо бирге Манаска аскер жайгаштырган 11 өлкө менен келишимдерди да жокко чыгарууну ишемби күнү парламентке жолдогон. Жогорку Кеңештин комитеттери ал маселелерди да кароого тийиш.(AiT)