Бул туурасында президенттин парламенттеги өкүлү Досалы Эсеналиев “Азаттыкка” билдирди. Анын айтуусунда, президент 4-февралда Москвадагы жолугушуулардан кийин пресс-конференция учурунда журналисттин авиабаза туурасындагы түз суроосуна түз жооп берген. “Президент бул маселе боюнча өзүм билемдик кыла албайт. Анткени бул меселенин айланасында өкмөт коллегиалдуу түрдө 2-февралда өзүнүн жыйынында чечим кабыл алган. Мына өкмөт ошол чечимди парламентке жөнөттү. Парламентте бул маселе мыйзам боюнча кабыл алынган процедуралары аркылуу өтүп жатат”-деди ал. Досалы Эсеналиев бул меселе бир канча жылдардан бери коюлуп келе жаткандыгын айтып, анын түйүнү эми гана чечилип жатканын билдирди. (AzK)
