Кыргызстандын президенти Курманбек Бакиев маалыматты Интернеттен алып, өзүнүн сайтындагы маалыматтарды окуп турат. Бул тууралуу президенттин басма сөз кызматынын жетекчиси Алмас Турдумаматов Интернет порталдардын көйгөйү менен келечегине арналган жыйында кечээ билдирди. Анын айтымында, президенттин 2005-жылдан бери иштеп жаткан Интернет баракчасы жакында жаңыртылат жана анын бешинчи түрү даярдалып жатат. Учурда сайтты пайдаланууга жазылгандардын саны 800 жана күнүнө аны 3 миңден ашык адам окуп турат. Андан тышкары жакында президент алдындагы катчылыктын да өз баракчасы пайда болот.(BD)
