Бул тууралуу анын адвокаты Мукар Чолпонбаев бүгүн “Азаттыкка” билдирди. Анын айтымында, сотто күбөлөрдү суроо улантылат. Бирок прокуратура атаган күбөлөрүн сотко алып келе албай жатат. Жалпысынан соттук ишке 70 жакын күбө тартыла турган болсо, азыркы кезге карай 12 күбө гана суралды. “Улуу Биримдик” оппозициялык партиясынын лидери Эмил Каптагаев мындан 7-8 жыл илгери болгон иштер боюнча айыпталууда. Каптагаев өзү муну саясий куугунтук катары баалоодо.(AiT)
