Анда мындай маанилүү мамлекеттик чечимдер шашылыш түрдө, кайсы-бир тараптын пайдасы үчүн кабыл алынбашы керектиги белгиленди. Кыргызстан үчүн АКШ, Кытай, Россия, Европа Биримдиги жана жакынкы коңшулар менен кызматташуу Кыргызстан үчүн маанилүү. “Манас” базасы БУУнун мандаты менен иштеп жаткан. Андан сырткары Ооганстандагы кырдаал, “Манас” аскерий базасынын ишмердүүлүгү жана НАТОнун инфраструктурасы өз ара байланышта.Бул маселе кеңири талкууланып, Кыргызстандын улуттук кызыкчылыктарына жараша чечим кабыл алыныш керек эле. Мына ошондуктан фракция базаны чыгарууга жалпысынан каршы чыгып, бир депутат башка пикирде болду,-деп айтылган социалдемократиялык фракциянын бүгүнкү маалыматында.(AiT)
