Британ аскер башчыларынын айтымында, түштүк Ооганстанда ушул эле айда британ-ооган күчтөрүнүн биргелешкен иш-чараларынын негизинде талиптерге таандык миллиондогон долларга бааланган маң заттары кармалган. Британ Коргоо министрлиги билдиргендей, аскер күчтөрү Гилменд облусундагы талиптердин маң заттарын иштетчү төрт фабрикасына чабуул коюшкан. Иш-чара учурунда 20 чакты талип согушчандары өлтүрүлүп, 70 миллион долларлык баадагы түрдүү маң заттары, химикаттар табылган.
