Бүгүн Бишкекке Европа Биримдигинин Борбор Азия боюнча атайын өкүлү Пьер Морель келет. Германиянын Кыргызстандагы элчилиги тараткан маалыматка караганда, ал президент, Тышкы иштер, Энергетика министрлери менен жолугушат. Анда Кыргызстан менен Биримдиктин ортосунда кызматташуу, суу-энергетика көйгөйлөрү, Биримдиктин Борбор Азияда укуктук мамлекет куруу демилгеси, Кыргызстандын АКШ, Орусия, Кытай жана коңшу мамлекеттер менен мамилеси тууралуу сүйлөшүүлөрдү жүргүзүшү күтүлүүдө.(BD)
