НАТОго мүчө өлкөлөрдүн коргоо министрлеринин Польшанын Краков шаарында өтүп жаткан жыйынында Ооганстан жана ага байланышкан Пакистан коопсуздугу маселеси башкы тема болду. Министрлер бүгүн НАТОго мүчөлүккө умтулган Украина жана Грузиянын коргоо министрлери менен да сүйлөшүү өткөрүшөөрү белгиленген. Кечээ НАТОнун коргоо министрлери бул аскердик ынтымактын Ооганстандагы коопсуздук боюнча стратегиясын талкуу кыла баштаган. Ушул тапта НАТОго 26 өлкө мүчө.
