Жапон премьери Таро Асо АКШ президенти Барак Обама кызматына киришкен 20-январдан бери аны менен Ак үйдө жолугуучу алгачкы чет элдик лидер болот. Эки лидер дүйнөнүн эң ири эки экономикасын глобалдык кризистен сактоонун жолдорун талкууламакчы. Вашингтондогу жолугушууда Тундук Кореяны өзөктүк программасынан баш тартууга ынандыруунун жолдору тууралуу да сөз болору күтүлүүдө. Жапония - АКШнын Азиядагы башкы өнөктөшү. Өлкөдө 50 миңдей америкалык аскер турат .
