Бул - Гурбангулы Бердымухаммедовдун Түркмөнстандын мамлекет башчысы катары Өзбекстанга биринчи расмий сапары. Мурдагы президент Сапармурад Ниязовдун тушунда Ташкент менен Ашхабаддын дипломатиялык алакасы иш жүзүндө тоңуп турган эле. Өзбек президенти Ислам Каримов Түркмөнстанда расмий сапар менен 2007-жылдын октябрында болгон. Эксперттердин айтымында, Ташкенттеги сүйлөшүүлөр учурунда Түркмөнстан -Өзбекстан – Казакстан –Кытай газ куурунун курулушу башкы тема болот. Ал куур аркылуу түркмөн газы Кытайга экспорттолуусу керек. Мындан сырткары соода –экономикалык кызматташтык маселелери талкууланары күтүлүүдө.
