Мындай пикирин адвокат Нурбек Токтакунов “Азаттыкка” билдирди. Анын айтуусунда өткөн жылы “Жарандардын тынч, куралсыз чогулуу жана митинг-пикет өткөрүү укугу жөнүндө” мыйзамдын кабыл алынышын жарандык коомго каршы аракеттердин башталышы деп эсептөөгө болот. Ал эми депутаттардын коомерциялык жана өкмөттүк эмес уюмдардын ишмердүүлүгүн көзөмөлдөө демилгеси аларга чет жактан келген каражаттын экстремисттик, террорчул топтордун колуна түшүп калуусуна жол бербөө аракети менен түшүндүрүлүп жатканы –жөн гана шылтоо, чет мамлекеттердин чалгын кызматтары жарандык коом аркылуу маалыматтарды алууга кызыкпайт, алар мындай маалыматтарды ачык булактардан алышат, дейт адвокат.(ZKo)
