Аталган укук коргоо борбору Борбор Азия боюнча программа жетекчиси Виталий Пономаревдун 26-февраль күнү “Манас” аэропортунан Кыргызстанга киргизилбей, кайра Москвага кайтарылышына тынчсызданып, президент К. Бакиевге кайрылуу жолдогон. Кайрылуу ээлери Кыргызстандын Улуттук коопсуздук боюнча мамлекеттик комитетинин Пономаревду өлкөгө беш жыл аралыгында киргизбөө чечими адам укуктар жаатында өлкө мойнуна алган эл аралык милдеттенмелерге каршы келээрин белгилешип, президентти бул тыюуну алып салууга жана Ноокат окуясынын адилет иликтөөгө кийлигишүүсүн өтүнүшкөн. Бул кайрылуу Кыргызстандын Москвадагы элчисине бүгүн тапшырылат.(ZKo)
