«Ата Мекен» партиясынын Ош облустук координатору Бактыбек Калмаматов «Азаттыкка» маалымдашынча, коомдук кордун негизги максаты - элден каражат чогултуу. Топтолгон акчалар өлкөнүн ичинде жана тышында аброю жогору, таза жана патриот талапкерди президенттикке сүрөөгө жумшалмакчы. Бирок Ош облустук адилет башкармалыгынын жетекчисинин орун басары Рахман Таштанов мамлекеттик органдар тарабынан катталбаган коомдук уюмдун ар кандай аракети мыйзамсыз экендигин эскертти. (ATo)
