Бул күнгө карата кызуу майрамдык иш-чаралар уюштурулууда. Барби Миллисент Робертс жарым кылым илгери 9-мартта АКШнын Висконсин штатында пайда болгон. Кичинекей кыздардын сүймөнчүгүнө айланган Барби куурчагы, арийне, айрым өлкөлөрдө көптөгөн талаш тартыш жаратып келатат. Айрым аялдар куурчакты "антифеминист" деп аташууда. Башкалары болсо куурчакты туурайбыз деп арыктаган кыздардын көбөйүшүнө санааркоодо. Ирандагы режим болсо куурчакты жергиликтүү мусулмандык салтка каршы көрүнүш деп санайт.
