Мындай маалыматты “Азаттыкка” Бириккен элдик кыймылдын (БЭК) лидерлеринин бири Азимбек Бекназаров билдирди. Анын айтымында, бүгүн БЭКтин мүчөлөрү жыйынга чогулуп, анда негизги үч чечим кабыл алынган. Алар: 27-марттан тартып Кыргызстан боюнча саясий акция өткөрүү, саясий куугунтуктоо боюнча сүйлөшүүнү токтотуу жана акцияга даярдыктарды көрүү. А.Бекназаровдун айтымында, саясий акциянын башкы талабы президент Курманбек Бакиевди мөөнөтүнөн мурда кетирүү болуп эсептелет. (КЕ)
