Мындай пикирин “Ата Мекен” партиясынын лидери Өмүрбек Текебаев “Азаттыкка” билдирди. Оппозиция түзүлгөн шартта кандай аракеттенүүнү өз ара кеңешүү менен чечет. Белгилүү болгондой Биринчи май райондук соту Аликбек Жекшенкуловду Улуттук коопсуздук боюнча мамлекеттик комитеттин убактылуу тергөө абагында 9-апрелге чейин камакка алуу чечимин 11-мартта чыгарып берди. Ички иштер министрлиги Аликбек Жекшенкуловго түрк ишкерин өлтүрүүгө катышы бар, куралды бирөөгө мыйзамсыз берген деген айып коюуда. Оппозиция бул айыптарды саясий куугунтук катары баалоодо. (AiT)
