ЖКнын “Ак жолчу” депутаттын “Азаттыкка” билдирген пикири боюнча жакында эл менен жолугушуулар болгон учурда саясат тууралуу эч кандай суроолор берилген эмес. “Элдин баары жаз-жарыш деп, азыр талаа иштерине даярданып атышат. Ошондуктан, бизге жолугушууларда күйүүчү май, үрөн, жер семирткич, сугат суу тууралуу гана суроо-талаптар болуп атты. Азыр элде оппозицияны колдогон маанай жок,” деп белгилеген депутат азыр эл оппозициянын негизги максаты бийлик талашуу экенин түшүнүп калышты, деген пикирде.(ZKo)
