Пакистанда оппозиция менен адвокаттар полициянын күч колдонушуна карабай өкмөткө каршы демонстрациясын улантканы жатат. Бир нече күнгө созулган нааразылык жүрүшү дүйшөмбү, 16-мартта борбор шаар Исламабадда аяктамак. Бийлик өлкөнү дестабилдештирүүгө жол бербейбиз деп, бир нече активистти камакка алып, жолдорду тороп салды. Америкалык дипломаттар өкмөттү жана оппозицияны зомбулукту алдын алууга үндөдү.
