Президент Дмитрий Медведевдин билдиришинче, Орусиянын чек арасына жакын аймактарда НАТО согуштук инфраструктурасын кеңейтип жаткандыктан, Орусия да 2011-жылдан тартып, өз армиясын кайра куралдандырат. Медведевдин "айрым аймактарда олуттуу жаңжал коркунучу сакталып калууда" деп айтканын жергиликтүү кабар агенттиктери жазып чыгышты. Президент биринчи кезекте Орусиянын стратегиялык ядролук күчтөрүн бекемдөөгө артыкчылык берүү керек экендигин белгиледи.
