13-мартта болгон автокырсыкта каза болгондордун ким экендигин ДНК аркылуу аныктоо Орусиянын Москва шаарындагы лабораторияда жүргүзүлөт.Бул тууралуу кечээ парламентте Башкы прокуратуранын кызматкери Кубанычбек Асангелдиев билдирди. Буга чейин Садыркуловдун үй-бүлөсүнүн өтүнүчү менен өрттөнгөн адамдардын дене калдыктары жана алардын жакындарынан алынган кан ДНК боюнча иликтөө үчүн Казакстанга жөнөтүлгөн жана анын жыйынтыгы 10-15 күндө чыгаарын Ички иштер министри Молдомуса Конгантиев билдирген болчу. (BD)