28-мартта Кыргызстандын мусулмандар башкармалыгы Бишкекте жаңы мечит курууга каражат топтоо үчүн марафон өткөрөт. Жаңы мечит курууга каржылык жардам берүүгө ниеттенген Араб эмираттарынын жарандары курулушка зарыл каражаттын 4 миллион АКШ долларынын 40 пайызын жергиликтүү жарандар көтөрсүн деген шарт койгондон кийин муфтият марафон өткөрүү чечимине барган. Жаңы мечитти курууга берилген жер саздак болгондуктан президенттик администрациянын жетекчиси Данияр Үсөнов бир жума ичинде башка жерден жакшы жер бөлүп берүүгө Бишкек мэриясын милдеттендирди. Мындай маалыматты “Азаттыкка” муфтий Муратаалы ажы Жуманов билдирди.(BD)
