“Оппозициялык күчтөрдүн айрымдары камалып, айып төлөп, боз үй, чатырлары талкаланып митингдин залакасын көп жеди. Ошол себептүү алардын 27-мартка белгиленген акциясы тынч өтөт деп ойлойм”, - дейт саясат талдоочу Токтогул Какчекеев “Азаттыкка” берген маегинде. Бирок ал мындай шартта бийлик тараптан чагым уюштуруп жибергендер дүйнөлүк тажрыйбада да болгондугун белгилеп, демократиялык өлкөлөрдө мыйзамдын чегинен бийлик дагы чыкпашы керектигин айтты. “Эгер бийлик андай жолго барса, ал мамлекеттик маданият, мыйзамдуулукту унуткан деп айтсак болот”, - дейт Т.Какчекеев. (КЕ)
