27-март эл аралык театр күнүнө карата өткөн жылы көркөм өнөргө кошкон салымдары үчүн “Кыргыз маданиятынын мыктылары” сыйлыгына мамлекеттик куурчак театрынын башкы режиссеру Жалил Мидинов, Улуттук кыргыз драм театрынын актрисасы Анара Сыдыгалиева, Албина Имашева жана Н.Салидинов, режиссердун жардамчысы Р.Суранова сыйланды. Маданият министрлигинин ардак грамотасы менен Алай музыкалык-драмалык театрынын артисти Э.Бакаев сыйланды. Театр режиссеру Жалил Абдыкадыров атындагы сыйлыкка И. Сартбаев, Ысык-Көл облустук театрынын көркөм жетекчиси О.Кожомкулов татыктуу болду. Бул тууралуу Маданият жана маалымат министи Султан Раев “Азаттыкка” билдирди. (AJ)
