Вашингтондогу кыргыз элчилигинин алдындагы митингде "Азаттык" үналгысына "Ата Мекен" партиясынын АКШдагы бөлүмүнүн жетекчиси Равшан Жээнбеков "Кыргызстандагы президенттик шайлоо азыркы президент Курманбек Бакиевдин катышуусусуз өтүшү керек", - деп билдирди. Анын пикиринде, президенттик шайлоого Курманбек Бакиев катыша турган болсо шайлоо адилеттүү болушу мүмкүн эмес. “Курманбек Бакиев катышкан шайлоо фальсификация, адамдарды коркутуп-үркүтүү менен өтүшү мүмкүн. Себеби К. Бакиев шайлоодо бардык административдик ресурстун баарын өз кызыкчылыгында пайдаланат. Ошондуктан колубуздан келишинче келечектеги шайлоону учурдагы президенттин катышы жок өткөрүүгө аракет кылышыбыз керек", - дейт Равшан Жээнбеков.
АКШда 27-мартта өткөн бул митинг ошол эле күнү Кыргызстанда өткөн оппозиция митингине тилектештик катарында өткөрүлдү. Бишкектеги митингде бул күнү бийликке беш талап коюлуп, аны аткарууга 20-апрелге чейин мөөнөт берилген. Ошол эле учурда "Ак жол" партиясынын айрым өкүлдөрү оппозициянын мындай талаптары негизсиздигин билдиришүүдө. (ES)
АКШда 27-мартта өткөн бул митинг ошол эле күнү Кыргызстанда өткөн оппозиция митингине тилектештик катарында өткөрүлдү. Бишкектеги митингде бул күнү бийликке беш талап коюлуп, аны аткарууга 20-апрелге чейин мөөнөт берилген. Ошол эле учурда "Ак жол" партиясынын айрым өкүлдөрү оппозициянын мындай талаптары негизсиздигин билдиришүүдө. (ES)
