Түндүк Кореяда кармалган америкалык журналисттер сот алдында жооп берет

Бул тууралуу Түндүк Кореянын мамлекеттик жаңылыктар агенттиги билдирди. Маалыматтарга караганда, журналист айымдар Юн Ли менен Лоре Линге мамлекеттик чек арадан мыйзамсыз өткөнү жана душманчыл аракеттери үчүн айып коюлат.
Сот качан болору азырынча так белгисиз. Журналисттер Түндүк Корея менен Кытайдын чек арасынан 17-мартта, түшүнүксүз жагдайларда кармалган. Кээ бир маалыматтарга караганда, Түндүк Кореянын чек арачылары аларды Кытайдын аймагынан кармаган.