Бул туурасында Араван районунун айрым тургундары «Азаттыкка» маалымдашты. Алардын айтуусуна караганда, эл каттоочулар жарандардын укугун басмырлап, «улутубуз түрк» дешкенине карабай, андай эл жоктугун айтып, тиешелүү тилкени «өзбек» деп толтурушууда. Ош облустук статистика комитетинин жетекчиси Болот Бүргөев калкты каттоо мезгилинде аларга эч ким даттанбагандыгын, эгерде жогорудагыдай мыйзам бузууларга жол коюлса, тийиштүү кишилерга карата чара көрүлөөрүн билдирди. (ATo)
