Мамлекеттик катчы Хиллари Клинтондун айтымында, АКШнын Ооганстан боюнча атайын өкүлү Ричард Холбрук Ирандын тышкы иштер министринин орун басары Мохаммед Мехди Ахунзаде менен жылуу жолугушуу өткөрдү. Тараптардын жолугушуусу мурда мерчемделген эмес. Клинтон белгилегендей, кездешүүдө “олуттуу деле эч нерсеге көңүл бурулган жок, бирок саясатчылар байланышта турууну макулдашты”. Жолугушуу Ооганстан боюнча кечээ Гаагада өткөн конференциянын учурунда болду.
