Мындан туура төрт жыл мурун 5-апрелде, Кыргызстанды 15 жыл башкарып келген президент Аскар Акаев өз ыктыяры менен кызматтан чегиниши тууралуу арызга Москвада колгон койгон эле. Качып кеткен президент менен жолугушууга ал кездеги Жогорку Кеңештин төрагасы Өмүрбек Текебаев баштап барган атайы парламенттик комиссия болсо, мурдагы президент макамы тууралуу мыйзамдагы кепилдиктер жана Конституциядагы жоболор аткарылат деп убадасын беришкен болчу. Аскар Акаев 2005-жылы 24-мартта элдик толкондоолордун күч алганына байланыштуу өлкө аймагынан качып чыгып, Орусияда ушу күнгө чейин баш калкалап жүрөт. (ES)
