Ички иштер министрлигинин баңги соодага каршы күрөш башкармасынын башчысынын орун басары Анвар Алиевди өлтүрдү деген кине менен милициянын Ош облустук башкармалыгынын Шавкат Жунусов, Кахрамон Исмаилов, Манол Тажибаев, Алмазбек Эргешбаев аттуу төрт кызматкери соттолууда. Соттук териштирүү 20-мартта башталган. Ишти карап жаткан Свердлов райондук соту сурай турган күбөлөрдүн жалпы саны жүздөн ашык экендиги мурда кабарланган. Милициянын полковниги Анвар Алиев былтыр 4-августта белгисиз адамдын аткан огунан мерт болгон. (BuS)
