Мындай бейрасмий маалыматты кечээ Жогорку Кеңештеги “Ак жол” фракциясынын мүчөсү Динара Молдошева тастыктады. Курултайдын мөөнөтүн жылдыруу уюштуруу иштерине байланыштуу гана болууда жана анын талапкерге байланышкан эч кандай өңүтү жок деп билдирди депутат. “Ак жолчу” депутаттын айтымында курултай кайсы күнү болорун саясий кеңеш аныктай элек. Буга чейин президент Курманбек Бакиев жетектеген “Ак жол” саясий партиясы кезексиз курултайын 11-апрелге белгилегендиги, анда негизги маселе президенттикке бир талапкерди - партия лидери Курманбек Бакиевди көрсөтүү болору маалымдалган. (BuS)
