Бул тууралуу өлкөнүн премьер-министри Силвио Берлускони билдирди. Дүйшөмбүдө күчү 6 даражага жеткен жер титирөөдөн кийин болжол менен он миңдеген адамдар көчөдө калды жана жаратылыш кырсыгынан башкалаа Римден 100 чакырымдай чыгыш тараптагы тоолуу Абруццо району өзгөчө жабыркады. Куткаруучулар талкаланган имараттардын ичинен адамдарды чыгарып алуу иштерин улантууда. Берлускони Москвага белгиленген сапарын токтотуп, Абруццо районунда чукул кырдаал абалын киргизди.
