Бүгүн президент Курманбек Бакиев Шанхай Кызматташтык Уюмуна мүчө мамлекеттердин өткөн жылкы Дүйшөмбү саммитиндеги макулдашууну ратификациялоо жөнүндө мыйзамга кол койду. Мыйзамга ылайык, аталган уюмга мүчө өлкөлөр куралдар, ок-дары жана жарылуучу заттарды мыйзамсыз сатууга каршы күрөштө эми биргелешип иштешет. Бул тууралуу президенттин маалымат кызматы кабарлады. Кыргызстандык серепчи Орозбек Молдалиев “Азаттыкка” бул иш-аракеттер уюмдун негизги максатына ылайык, экстремизм, сепаратизмге каршы жүргүзүлүп жатканын айтты. Ушундан улам ШКУ бара-бара чыгыштын НАТОсуна айланып калбайбы, деген кооптонуулар бар экенин баса белгиледи. (EBM)
