6-апрелде Абруццо районунда болгон зилзаладан набыт болгондордун саны өсүүдө. Соңку маалыматтарга караганда жер титирөө 230дан ашуун адамдын өмүрүн алып кетти. Кечээ кайрадан жер силкинип, дагы бир адам набыт болгону кабарланууда. Куткаруучулар зилзалада урандылардын алдында тирүү калган 20 жаштагы кызды 40 сааттан кийин таап чыгышты. Италиянын премьер-министри Силвио Берлускони куткаруу иштери дагы эки күнгө созуларын билдирип, аткаминерлерге үй-жайсыз калган миңдеген адамдарды чатыр жана тамак-аш менен камсыз кылууну тапшырды.
