Түркмөнстандын расмий өкүлдөрдүн билдиргенине караганда, газ куурундагы жарылуу түркмөн-өзбек чек арасына жакын жерде болгон жана оңдоо иштери үчүн эки-үч күн талап кылынат. Түркмөнстан Орусияга жылына 50 миллиард кубометр газ экспорттойт. Орусиянын Газпром компаниясы түркмөн газына аны Европага сатуу үчүн муктаж. Анткени Газпромдун өзүнүн эски корлорунда көгүлтүр оттун өндүрүшү төмөндөөдө, ал эми жаңы корлор газ экспортуна 2015-жылдан кийин гана даяр болот.
