8-апрелде “25” кыймылынын координатору Жаил Жапиевдин жумушуна УКМКнын эки кызматкери келип, кыймылдын дагы бир мүчөсү Михаил Головановдун дайнын сурашып, кыймыл артында ким тураарына кызыгуу артышкан. Ошондой эле бул эки адам Жапиевге аталган кыймылдан чыгуусун талап кылып, ар кыл акцияларга катышпоосун эскертишкен. Бул тууралуу билдирүү тараткан “25” кыймылы өлкөдө болуп жаткан окуяларга митингдер аркылуу өз көз карашын ачык билдиргени үчүн УКМКнын көзөмөлүнө алынганын белгилейт. (EK)
