АКШ президенти Барак Обаманын администрациясы Конгресстен Ирак менен Ооганстандагы аскер операциялары үчүн ушул жылы кошумча 83 жарым миллиард доллар ажыратууну сурамакчы. Бул каражаттан 75 миллиард доллар аскердик чыгымдарга жумшалса, 7 миллиард доллар жардам иретинде Ирак, Ооганстан жана Пакистанга берилери күтүлүүдө. Эгерде Конгресс мындай каражатты бөлүүгө макулдук берсе, 2001-жылдан бери АКШнын Иракка жана Ооганстанга кеткен чыгымы 1 триллион долларга жакындап бармакчы.