17-мартты Аксы окуясында курман болгондорду эскерүү күнү катары белгилөө жөнүндө демилгени бүгүн Жогорку Кеңеште “Ак жол” фракциясынан депутат Бейшенбек Абдырасаков көтөрүп чыкты. Бул маселе Конституциялык мыйзамдуулук, мамлекеттик түзүлүш жана адам укугу боюнча комитетте келерки шейшембиде карала турган болду. Б.Абдырасаковдун демлгеси менен буга чейин Боом капчыгайынын кире беришине Үркүндүн курмандыктарына айкел орнотулуп, 1916-жылдагы көтөрүлүштө шейит кеткендерди эскерүү күнүн августтун алгачкы жумалыгында белгилөө тууралуу парламент токтом кабыл алган. (AJ)
