ИИМдин баңзаттар менен күрөшүү башкармалык башчысынын орун басары Анвар Алиевди өлтүргөн деген айып менен төрт милиция кызматкери Алмазбек Эргешбаев, Манол Тажибаев, Кахрамон Исмаилов жана Шавкат Жунусов соттолууда. Буларга далил зат катары кампада кармалып турган 100 кг дан ашуун баңзаттарды жашыруу максатында Анвар Алиевди өлтүрүшкөн, деген айып тагылган. Соттук териштирүүнү Бишкектин Свердлов райондук соту жүргүзүп жатат. Кечээ сотто күбөлөр көрсөтмө беришти. Бүгүн боло турган сот жараянында күбөлөрдүн көрсөтмө берүүсү уланат.(ZKo)
