Каракол шаарынын мал базарынан 500сомдук жасалма акча менен иштеген балдар камакка алынып, кылмыш иши козголду. Ысык-Көл облустук ички иштер башкармалыгынын тергөө бөлүмүнүн тергөөчүсү Талант Абдылдаевдин айтуусунда, 24 миң сом менен колго түшкөн кылмышкерлер 1 сериядагы 500 сомдукту түстүү принтерден көбөйтүп келген. Жасалма акчанын көлөмү кичирээк болуп, көгүш тартып тургандыктан ал- таңкы саат 4, 5терде гана оңой жүгүртүлөөрүн кылмышкерлерлер ачыктады. Анткени ал акча таңга жуук нукура 500 сомдукка окшоп, кызгылт-түс берет экен. Бул окуя боюнча учурда тергөө башталды. (RB)