Президент Барак Обаманын басма сөз өкүлү Роберт Гиббстин айтымында, Пакистан президентинин мындай чечими өлкөдөгү демократияга доо кетирип, адам укуктарынын чектелишине алып келет. Сват өрөөнүндөгү талиптер менен быйыл февралда түзүлгөн тынчтык келишимине ылайык, 14-апрелде Пакистандын президенти Асиф Али Зардари бул аймакта шариат мыйзамын орноткон эрежеге кол койду. Пакистан президентинин мындай чечимин Ооганстан жана Батыш өлкөлөрү да кескин сынга алышты.
