Министр Бабажан экономикалык кызматташтыкка арналган аймактык жыйынга катышары күтүлүүдө. Анкара менен Ереван жакындан бери өз ара мамилелерди жөнгө салуу боюнча аракеттенип келүүдө. Буга чейин Ереван бийлиги Түркиядан 20-кылымдын башында, Осмон империясынын маалында армяндардын массалык өлтүрүлүшүн “геноцид” деп таанууну талап кылып келгендиктен, бул эки өлкө ортосунда дипломатиялык мамилелер дээрлик жокко эсе болчу. 1993-жылы Тоолуу Карабак боюнча Армения менен Азербайжандын чатагынан улам Бакы бийлигине тилектештигин билдирип, Түркия Армения менен чек араларын жаап койгон.
