Өзгөчө кырдаалдар министри Камчыбек Ташиевдин “Азаттыкка” билдирүүсүнө караганда, учурда Аксы районундагы Райкомол айылында көчкүнү тазалоо иштери уланып жатат. Бул үчүн министрликтин Оштогу, Жалал-Абаддагы жана Таш-Көмүрдөгү адистери, жоокерлери Аксыга келишүүдө. Куткаруучулар толук келип бүтө элек. Кырсык болгон жерде 20дай техника иштөөдө. Азыркы мезгилге карай жер көчкүдөн каза болгондордун саны 16 киши болууда. (AiT)
